E ti, que nos les, estarás preguntándote, ¿como que non existe a forza de vontade se é o que emprego cada día para facer todo “o que teño que facer”?
E parécenos unha pregunta tan interesante, que nos gustaría que a respondeses de forma sincera,…
¿cal é a razón pola que cada día decides levantarte?
Cada quen chegará a unha conclusión ben diferente, e algúns incluso non saberán moi ben definila, pero en calquera caso, esa reflexión fai centrarnos no interesante: as motivacións.
Seguro que agora xa te estás dando conta,… a forza de vontade non existe, porque non abonda para que consigamos nada, o que precisamos é ter motivos que nos empurren de cara a un obxectivo.Como seres humanos, os nosos recursos son limitados, non te deixes enganar! que sepas que ninguén pode manter ó longo das 24 horas a atención plena por exemplo, e non existe ninguén que teña unha enerxía ilimitada, pois non somos capaces de vivir sen durmir. Ademais, as nosas capacidades van variando tamén en función da contorna, é dicir, de quen nos rodea, da carga de traballo que temos en cada momento, etc.
Todos estes aspectos déixannos claro entón que cando nos propoñemos introducir un cambio de hábito, a forza de vontade non é a que manda, o que dirixe a nosa activación é unha mistura de motivación e ambiente, e este último media ademais na nosa percepción da realidade e de nos mesm@s.
Tod@s tomamos decisións e comportámonos en consecuencia guiados pola nosa relación co medio que nos rodea e en función de como nos atopamos nese momento preciso. Cando pasa o tempo, e sobretodo se os resultados do acontecido non nos convencen, buscamos unha explicación que encaixe coa decisión tomada para darlle coherencia a algo que non semella tela, e así imos avanzando entre os intentos e as frustracións e culpándonos por non ter a “forza de vontade suficiente” para conseguir estar máis cómodos coas nosas vidas.
Se te plantexas comezar de novo a recorrer o camiño para chegar á meta dalgún cambio, aquí che deixamos algunha pista de como podes mellorar o proceso para que os resultados sexan diferentes esta vez:
- Analiza ás persoas que te rodean e as súas opinións para diferenciar se son motor ou freno na túa viaxe. Intenta que o teu círculo sexa de persoas que suman enerxía e non daquelas outras que sempre che supoñen trabas.
- Diseña unha contorna facilitadora lembrando que temos tendencia a realizar as accións más sinxelas e cómodas (se queres ir ao ximnasio cada mañá, deixa xa a mochila preparada, se non queres comer chocolate, non poñas a tableta preto do ordenador cando estás traballando…)
- Toma decisións que conleven recompensa non moi demorada (non aplaces a ganancia se iso implica sufrimento agora como ocurriu na famosa historia do rapaz boyscout que durmiu á intemperie so por non ter que recoller o saco de durmir ao día seguinte…)
- Plantexa intencións para ir implementando nun futuro de xeito progresivo (a próxima que me apeteza picar algo entre horas, tomarei un plátano e non unha chocolatina)
- Introduce pequenas limitacións que che axuden a mellorar o desfrute do momento sen que impliquen obrigas ou “deberías” porque as obrigas xeran incomodidade; usa a creatividade! (se queres desfrutar dunha comida con amizades, “olvídate” do movil no coche, ou lévao case batería e sen cargador, claro!)
- Comparte as túas ideas (con amizades, mentores, profesionais,…) para obter tamén as posibles críticas, e emprégaas no teu beneficio parándote a analizar posturas que quizá ti non vías e poden supoñer un erro no teu camiño que impida acada o éxito. ¿Hai algo que debas modificar?
- Rodéate de apoio! Como seres sociais que somos, variamos as nosas actuacións na presenza doutras, así que pode que unha opción que che sirva de utilidade é facer o percorrido acompañado (se queres sair a camiñar cada día, pois queda con outra persoa que tamén o faga,…)
E lembra que se permaneces na frustración tras varios intentos, nos podemos axudarche a indagar, recoñecer e observar os factores que están impedindo que avances.
¡SEMPRE É POSIBLE!