O que fago

Psicoterapia presencial e/ou online, dá igual a túa idade; podes contar comigo tanto se es adult@, maior ou miúdo!

image/svg+xml

Psicoloxía

  • Terapia individual ou grupal.
  • Ansiedade.
  • Medos.
  • Obsesións.
  • Tristeza.
  • Terapia de parella.
  • Adicións (sustancias/xogo).
  • Trastornos de alimentación.
  • Outros trastornos.
  • Regulación de autoestima, autoconcepto e autocoñecemento.
  • Desenvolvemento e crecemento persoal.
  • Xestión do estrés.
  • Orientación profesional.
  • Técnicas de estudo.
  • Xestión do tempo.
  • Intelixencia emocional.
image/svg+xml

Neuropsicoloxía

image/svg+xml

Psicoeducación

Na maioría das ocasións plantéxolles, nalgún momento, ás persoas que veñen a verme o seguinte:
Quen, ou que, é o máis importante na túa vida?

Responde sen pensar moito, déixate levar polo impulso!

E ti, que contestache?… Se a resposta non foi “EU”, chegou o momento de que te priorices! non esperes máis para chamarme!

Sobre min

quen son

Ola!

Son Tania e, para que me coñezas un pouco máis, vou contarche algo sobre min.

A miña vocación como psicóloga remóntase a hai varios anos e chega a converterse en realidade, primeiramente, polas miñas ansias de aprender xeitos de facer que me permitisen xestionar mellor as emocións que me embargan a diario e que son o centro das nosas relacións cos demais en calquera eido da vida, e, posteriormente, para ser capaz de servir de medio de transmisión das mesmas de cara á xente que as precise. Iso faime, ser e estar, feliz.

Todas e todos, con máis ou menos capacidade de expresalo e/ou recoñecelo, enfrontámonos a momentos nos que nos invaden dúbidas, tensións, culpas, temores, pensamentos,…ou nos que, sinxelamente, nos costa erguernos cada mañá ou conciliar o sono pola noite sen motivación aparente. 

Se é así, pensa en vir a coñecerme, pois creo que xunt@s poderemos facer algo interesante para que o teu ritmo de sentir mude.

De tódolos xeitos, gustaríame que souberas que, ir a terapia, non implica directamente estar viaxando por un mar con ondada intensa nin por un ceo con ventos afuracanados, quizais só che apeteza coidarte, adicarte un tempo e coñecerte de verdade para sacar máis e mellor rendemento ó teu camiño. 

Se este é o teu caso, contáctame sen compromiso e, en conxunto, seguiremos aprendendo e valoraremos o emprego de novas e/ou diferentes estratexias.

A MIÑA FORMACIÓN

Son especialista en psicoxeriatría e rehabilitación cognitiva centrando o meu labor actual na terapia individual e/ou grupal dirixidas a adultos e poboación infantil e combinando a mesma coa psicoeducación, pois considero de relevancia o estreito vínculo que existe entre ámbalas especialidades.

O gran descubrimento da miña xeración é que os seres humanos poden alterar as súas vidas ó alterar as súas actitudes mentais.

william jame
William James
Psicólogo estadounidense

A palabra felicidade perdería o seu sentido se non se equilibrase coa tristeza.

c g jung
C.G. Jung
Psicólogo suizo

Son o tolo que cre que a risa o cura todo.

patch adams3
Patch Adams
Médico americano

Sopoño que é tentador tratar todo como se fose un clavo, se a única ferramenta que tes é un martelo.

maslow
Abraham Maslow
Psicólogo estadounidense

COMO TRABALLO

Tomar a decisión de acudir a un psicólogo é un paso complexo, tanto é así, que se ti estás lendo isto para valorar a opción, xa só por iso te felicito! dáme indicacións de que es valente

O meu labor principal é tratar de conseguir que comprendas as túas emocións, que sexas quen de calmalas e que podamos traballar con elas. Durante todo o proceso eu estarei ó teu lado, tanto nas citas pactadas como a través de atención telefónica “intercitas” se ti o precisas.

No eido da psicoloxía, o meu xeito de facer é ecléctico; non creo que tódalas correntes nin estratexias se axeiten a tódalas persoas, e por esa razón, tratarei de entender que precisas e dende esa base integrar as diversas técnicas terapéuticas para poder acadar, coa túa colaboración,bos resultados.

últimos posts

Ver Todos os artigos

CONTACTA

    Se o prefires tamén te podes poñer en contacto a través dos seguintes métodos: